ఆఫ్ఘనిస్తాన్‌లోని ఉత్తర ప్రాంతంలో కురుస్తున్న భారీ వర్షాలు, వరదల కారణంగా 150 మందికి పైగా ప్రజలు మరణించారు. 100 మందికి పైగా గాయపడినట్లు తాలిబాన్ అధికారులు తెలిపారు.
బాగ్లాన్ ప్రావిన్స్‌లోని ఐదు జిల్లాల్లో భారీ వర్షపాతం కారణంగా డజన్ల కొద్దీ ప్రజలు తప్పిపోయారు. శుక్రవారం రాత్రి ఈ ప్రాంతం అంతటా తుఫాను వ్యాపించిన కారణంగా మరణాల సంఖ్య పెరగవచ్చని అధికారులు తెలిపారు. రాజధాని కాబూల్‌ను కూడా వరదలు ప్రభావితం చేశాయని ప్రకృతి విపత్తు నిర్వహణ మంత్రిత్వ శాఖ ప్రతినిధి అబ్దుల్లా జనన్ సక్ తెలిపారు. రెస్క్యూ టీమ్‌లు ఆహారం, ఇతర సహాయాన్ని కూడా అందిస్తున్నాయని ఆయన చెప్పారు.
గత నెలలో కూడా, దేశంలో భారీ వర్షాలు, వరదలకు సంబంధించిన సంఘటనలలో 70 మంది మరణించారు. సుమారు 2000 ఇళ్ళు, 3 మసీదులు, 4 పాఠశాలలు దెబ్బతిన్నాయి.
